O viaxeiro que se achegue á fin da Terra, terá que facelo coa idea de deixar atrás as présas, porque se encontrará nun lugar para deixar pasar tranquilamente o tempo, deixándose perder por senllas costeiras cargadas de lendas, mitos e naufraxios. Sensacións oceánicas garantidas. Dugium vístese de muros centenarios e madeiras nobres, o eclecticismo elegante do rural galego.

O máis emblemático de todos os cabos do litoral atlántico europeo. Descubrir Finisterre é como viaxar no tempo. É o fin do mundo coñecido, o fin da terra, o Mar Tenebroso da civilización romana, o último rescollo en "O CAMIÑO" da longa peregrinación pola senda das estrelas.